கர்த்தாவே உம்மைத் துதிப்பேன்

231. Laudate Dominum; Yoheleth 

Luther.            8, 7, 8, 7, 8, 8, 7.

"Sei Lob und Ehr dern hochsten..."

1.         கர்த்தாவே, உம்மைத் துதிப்பேன்

                   மகா மகிழ்ச்சியாக,

            என்றைக்கும் உம்மைப் போற்றுவேன்

                        உத்தம பணிவாக;

            என் ஆவியும் என் தேகமும்;

            உம்மை நன்றாகத் துதிக்கும்;

                        கர்த்தாவுக்கே புகழ்ச்சி!

2.         அதேனெனில், என் துன்பத்தில்

                        கர்த்தாவைக் கெஞ்சிக் கொண்டேன்

            அப்போது ஏற்ற வேளையில்

                        மகா ரட்சிப்பைக் கண்டேன்;

            எல்லாரும் இதைக் கேளுங்கள்,

            என்னோடு கூடப் பாடுங்கள்;

                        கர்த்தாவுக்கே புகழ்ச்சி!

3.         கர்த்தர் ஓர்போதும் தமது

                        ஜனத்தைக் கைவிடாரே;

            கண்ணோக்கி ஆசீர்வதித்து

                        சகாயம் அளிப்பாரே;

            இருளில் இடற ஒட்டார்,

            பிதாவைப் போலத் தாங்குவார்;

                        கர்த்தாவுக்கே புகழ்ச்சி.