எப்போதும் இயேசு நாதா

207. Days of Rest                        7s, 6s, 8l.

"O Jesus, I have promised"

1.         எப்போதும், யேசு நாதா,

                        உம்மைப் பின்பற்றுவேன்

            என்றே தீர்மானமாக

                        நான் வாக்குக் கொடுத்தேன்;

            நீர் என்னைத் தாங்கிக் காப்பீர்,

                        அப்போது அஞ்சிடேன்;

            முன் சென்று பாதை காட்டும்,

                        நான் வழி தவறேன்.

2.         பூலோக இன்பம் செல்வம்,

                        வீண் ஆசாபாசத்தால்,

            என் ஆத்துமா மயங்காமல்;

                        தெய்வீக பலத்தால்

            நீர் துணை நின்று தாங்கும்,

                        என் அருள் நாயகா;

            தீங்கணுகாமல் காரும்

                        மா வல்ல ரட்சகா.

3.         ஆங்காரம் சுய சித்தம்

                        தகாத சிந்தையால்

            மா கலக்கம் உண்டாகி

                        நான் தடுமாறினால்

            நீர் பேசும் அருள் நாதா,

                        கொந்தளிப்படங்கும்;

            உம் நேச சத்தம் கேட்டு

                        என் ஆவி மகிழும்.

4.         "பின்பற்றினால் விண் வீட்டில்

                        பேரின்பம் பெறுவீர்."

            என்றே உம் சீஷர் நோக்கி

                        நீர் வாக்கு அளித்தீர்;

            அவ்வருள் வாக்கை நம்பி

                        இவ்வேழை அடியேன்,

            "இதோ பின் செல்வேன்," என்று

                        ப்ரதிக்னை பண்ணினேன்.

5.         ஓயாமல் பெலன் தாரும்;

                        உம்மடிச்சுவட்டில்

            கால் வைத்து நடந்தேகி

                        நான் யாத்ரை செய்கையில்

            நீர் வழிகாட்டி, என்னை

                        கைதாங்கி வருவீர்;

            அப்பாலே மோட்ச வீட்டில்

                        பேர் வாழ்வை அருள்வீர்.