மின்னும் வெள்ளங்கி பூண்டு

292. Alford                                                    (428)  7, 6, 8, 6, 8l.

"The thousand times ten thousand"

1.         மின்னும் வெள்ளங்கி பூண்டு

                        மீட்புற்ற கூட்டத்தார்

            பொன்னகர் வீதி எங்குமே

                        பண்பாக நிற்கிறார்;

            வெம் பாவம் சாவை எல்லாம்

                        வென்றே போர் ஓய்ந்தாரே;

            செம் பொன்னாம் வாசல் திறவும்

                        செல்வார் இவர் உள்ளே.

2.         முழங்கும் அல்லேலூயா

                        மண் விண்ணை நிரப்பும்!

            விளங்கும் கோடி வீணைகள்

                        விஜயஞ் சாற்றிடும்!

            சராசரங்கள் யாவும்

                        சுகிக்கும் நாள் இதே;

            தராதலத்தின் துன்பமும்

                        தொலைந்து போயிற்றே!

3.         அன்பான நண்பர் கூடி

                        ஆனந்தம் அடைவார்;

            மாண்பான நேசம் எந்நாளும்

                        மங்காமல் வாழுவார்;

            கண்ணீர் வடித்த கண்கள்

                        களித்திலங்கிடும்;

            அண்ணலே தஞ்சம், ஆகையால்

                        அபாயம் நீங்கிடும்.

4.         சிறந்த உம்தன் மீட்பை

                        சமீபமாக்குமே;

            தெரிந்து கொள்ளப்பட்டோரின்

                        தொகை நிரப்புமே;

            உரைத்த உம்தன் காட்சி

                        உயர்வில் காட்டுவீர்

            இறைவா, ஏங்குந் தாசர்க்கு

                        இரங்கி வருவீர்.