தீராத தாகத்தால்

248. Quam Dilecta, Dolomite Chant.         6s.

"I hunger and I thirst"

1.         தீராத தாகத்தால்

            என் உள்ளம் தொய்யுதே!

            ஆ! ஜீவ தண்ணீரால்,

            தேற்றுமேன், யேசுவே.

2.         விடாய்த்த பூமியில்

            சகாயம் செய்யுமேன்;

            நீர் போஷிக்காவிடில்,

            திக்கற்றுச் சாகுவேன்.

3.         தெய்வீக போஜனம்,

            மெய் மன்னா நீர் தாமே;

            விண்ணோரின் அமிர்தம்

            தாரும், என் நாயனே.

4.         மாசற்ற ரத்தத்தால்,

            எம் பாவம் போக்குவீர்;

            மெய்யாம் ஆகாரத்தால்

            என் நெஞ்சைப் போஷிப்பீர்.

5.         மா திவ்ய ஐக்கியம்

            இதால் உண்டாக்குவீர்,

            மேலான பாக்கியம்

            அன்பாக ஈகுவீர்.

6.         இவ்வருட் பந்தியில்

            ப்ரசன்னமாகுமேன்;

            என் ஏழை நெஞ்சத்தில்

            நீங்காமல் தங்குமேன்.