நீர் உத்தம சினேகிதர்

102. Baden, Attole Paulum: (Elberfield)            8, 7, 8, 7, 8, 8, 7 

Third Part

1.         நீர் உத்தம சினேகிதர்,

                        என் நெஞ்சும் மேலே சாயும்;

            நீர் உத்தம சகோதரர்,

                        நீர் என்னைப் பார்க்கும் தாயும்,

            நீர் நோயில் பரிகாரியே

            உம்மாலே ஆறிப்போகுமே

                        என் காயமும் விடாயும்.

2.         படையில் நீர் சேனாதிபதி,

                        வில் கேடயம் சீராவும்;

            கருங் கடலில் நீர் வழி

                        காண்பிக்கும் சமுக்காவும்;

            எழும்பும் கொந்தளிப்பிலே

            நீர் என் நங்கூரம், யேசுவே

                        நான் ஒதுங்கும் குடாவும்.

3.         நீர் ராவில் என் நட்சத்திரம்

                        இருளில் என் தீவர்த்தி;

            குறைவில் நீர் என் பொக்கிஷம்,

                        தாழ்விலே என் உயர்த்தி,

            கசப்பிலே என் மதுரம்;

            நான் தொய்ந்தால் மீண்டும் என் மனம்

                        பலக்க நீர் என் சக்தி.

4.         நீர் ஜீவனின் விருட்சமும்,

                        நீர் செல்வங்கள் பொழியும்

            பூங்காவனமும், என்றைக்கும்

                        சுகம் தரும் கனியும்;

            முள்ளுள்ள பள்ளத்தாக்கிலே

            என் ஆவிக்கு நீர், ஏசுவே

                        குளிர்ந்த பூஞ்செடியும்.

5.         நீர் துக்கத்தில் என் ஆறுதல்,

                        நீர் வாழ்வில் என் களிப்பு;

            நீர் வேலையில் என் அலுவல்,

                        பகலில் என் சிந்திப்பு;

            நீர் ராவில் என் அடைக்கலம்;

            நீர் தூக்கத்தில் என் சொப்பனம்

                        விழிப்பில் என் குறிப்பு.

6.         ஆ ஒப்பில்லாத அழகே!

                        நான் எத்தனை சொன்னாலும்

            என் நாவினாலே கூடாதே;4

                        நான் என்ன வாஞ்சித்தாலும்

            அதெல்லாம் நீரே, யேசுவே

            ஆ தயவுள்ள நேசரே,

                        நீர் என்றும் என்னை ஆளும்.