நல் மீட்பர் இயேசு நாமமே

189. St. Peter                                                                         C.M.

"How Sweet the name of Jesus..."

1.         நல் மீட்பர் யேசு நாமமே

                        என் காதுக்கின்பமாம்;

            புண்பட்ட நெஞ்சை ஆற்றவே

                        ஊற்றுண்ட தைலமாம்.

2.         அந்நாமம் நைந்த ஆவியை

                        நன்றாகத் தேற்றுமே,

            துக்கத்தால் தொய்ந்த உள்ளத்தை

                        திடப்படுத்துமே.

3.         பசித்த ஆத்துமாவுக்கு

                        மன்னாவைப் போலாகும்;

            இளைத்துப் போன ஆவிக்கு

                        ஆரோக்யம் தந்திடும்.

4.         என் ரட்சகா, என் கேடகம்,

                        என் கோட்டையும் நீரே;

            நிறைந்த அருள் பொக்கிஷம்,

                        அனைத்தும் நீர் தாமே.

5.         மா நேசர், மேய்ப்பர், பர்த்தாவும்,

                        என் ஜீவனும் நீரே;

            என் தீர்க்கரும், என் ராஜாவும்

                        ஆசாரியருமே.

6.         ப்ராண நாதா ஆண்டவா

                        நான் உம்மைப் போற்றுவேன்;

            என் வாழ் நாளெல்லாம் ரக்ஷகா;

                        பேரன்பை சாற்றுவேன்.

7.         என் ஜீவன் போகும் நேரமும்

                        உம் நாமம் பற்றுவேன்;

            எப்போதும் அதைப் பாடவும்

                        விண் கரையேறுவேன்.