பிரியமான இயேசுவே

100. Laudate Dominum, Attole paulum (Elberfield) 

8, 7, 8, 7, 8, 8, 7.

"Mein Herzens-Jesu, meine Lust"

1.         பிரியமான இயேசுவே,

                        என் நெஞ்சைத் தயவாக

            நீர் பூரிப்பாக்கி என்னிலே

                        மிகுந்த நிறைவாக

            தெய்வீக அன்பை ஊற்றியே

            பேரருள் தந்த உம்மையே

                        நான் துதி செய்வேனாக.

2.         என் நெஞ்சில் உம்மால் பற்றின

                        அன்பென்னும் தீ எரியும்;

            என் மனதும்மால் உத்தம

                        மகிழ்ச்சியை அறியும்;

            நான் உம்மை நோக்கும்போதெல்லாம்,

            என் துக்கம் உம்மிலே உண்டாம்

                        அருளினால் தெளியும்.

3.         நீர் என் வெளிச்சம்; உம்மால் நான்

            திறந்த முகமாக

                        பிதாவின் இன்ப நெஞ்சைத்தான்

            என் ஆறுதலுக்காக

            கண்ணோக்கும்போது தயவாய்

                        நீர் என்னை நீங்கா ஜோதியாய்

            ப்ரகாசிப்பிப்பீராக.

4.         நீர் மோட்சத்துக்கு போம் வழி;

                        உனக்குள்ளான யாரும்

            தப்பிப் போகார்; ஆ! இந்நெறி

                        விலகினோர் எல்லாரும்

            கெட்டழிந்து போவார்களே;

            வழியாம் ஸ்வாமி, உம்மிலே

                        நிலைக்க என்னைக் காரும்.

5.         நீர் சத்தியம்; நான் உம்மையே

                        தெரிந்து கொண்டிருப்பேன்;

            மாறாத மெய்ப் பொருள் நீரே!

                        வீண் மாய்கையை வெறுப்பேன்;

            உம்மாலே பாக்கியம் வரும்

            மெய்யே, என் நெஞ்சை என்றைக்கும்

                        நான் உமக்கே கொடுப்பேன்.

6.         நீர் ஜீவன்; என்னை நீர் நீரே

                        பலத்தால் இடைகட்டும்;

            திடன் இல்லா அந்நேரமே

                        என் நெஞ்சில் ஊக்கம் தாரும்;

            தெய்வீக ஜீவன் என்னிலே

            மென்மேலும் வளர்ந்தோங்கவே

                        நல்லாவியாலே காரும்.