நீர் ஜீவ அப்பம் பஞ்சத்தில்

101. Sohren, Attole Paulum: (Elberfield)       8, 7, 8, 7, 8, 8, 7

          1.           நீர் ஜீவ அப்பம்; பஞ்சத்தில்

                                    உம்மால் என் பசி ஆறும்;

                        நான் போம் வனாந்தரங்களில்

                                    என் உள்ளம் உம்மை நாடும்;

                        பிதாவின் ஈவாம் மன்னாவே,

                        நீர் என்னைப் பாவ இச்சைக்கே

                                    விலக்கிக் காத்துக் கொள்ளும்.

            2.         நீர் ஜீவ ஊற்று, உம்மாலே

                                    என் ஆத்ம தாகம் தீரும்;

                        நீர் தரும் ஈவு நித்தமே

                                    திறக்கும் தண்ணீராகும்;

                        நீரூற்றாய் என்னில் ஊறுமேன்,

                        நிறைவாய் நித்தம் தாருமேன்

                                    ஆரோக்கியமும் சீரும்.

            3.         நீர் என்னை ஜோடிக்கும் உடை,

                                    நீர் என் அலங்கரிப்பு;

                        நாம் உம்முடைய நீதியை

                                    அணிவதென் விருப்பு;

                        பூலோகத்தின் சிங்காரமாம்

                        விநோத சம்பிரமம் எல்லாம்

                                    என் ஆவிக்கு வெறுப்பு.

            4.         நீர் நான் சுகித்து தங்கிற

                                    அரமனையும் வீடும்;

                        புசல் அடித்தும் விருதா,

                                    பேய் வீணாய் என்னைச் சீறும்;

                        நான் உம்மில் நிற்பேன், ஆகையால்

                        கெடேன்; பொல்லார் எழும்பினால்

                                    நீர் என் வழக்கைத் தீரும்.

            5.         என் மேய்ப்பராய் இருக்கிறீர்

                                    என் மேய்ச்சலும் நீர்தாமே;

                        காணாமல் போன என்னை நீர்

                                    அன்பாக மீட்போராமே;

                        இவ்வேழை ஆட்டை என்றைக்கும்

                        நீர் பாதுகாத்துப் போஷியும்

                                    நான் உம்முடையோனாமே.

            6.         நீரே நான் என்றும் வாஞ்சிக்கும்

                                    மா நேசமுள்ள நாதர்,

                        நீரே என் ஆசாரியரும்

                        பலியுமான கர்த்தர்;

                        நீர் என்னை ஆளும் ராஜாவும்,

                        உம்மோடே எந்தப் போரிலும்

                        ஜெயிப்பேன், மா சமர்த்தர்.