நீர் நிறைந்த நேசமுள்ளோர்

105. Sleepers, Wake, awake - Hermhut             Irregular

Second Part

1.         நீர் நிறைந்த நேசமுள்ளோர்

            எல்லாரின் மேலும் தயவுள்ளோர்

                        மகா அன்புள்ள யேசுவே;

            உம்மால் தீயோர் பேரிலேயும்

            பகல் உதிக்கும், மாரி பெய்யும்,

                        பெரிய உபகாரியே;

                        ஆ, இந்த உமது

            குணம் என் மனது அடையட்டும்,

            என் யேசுவே, நான் உமக்கே

            ஒப்பாய் அன்பாய் இருக்கவும்.

2.         குற்றமின்றி க்ரோதமற்று

            எல்லா இகழ்ச்சியையும் பட்டு

                        மன்னித்தீர், சாந்த யேசுவே;

            தேவ வீட்டுக்காய் அல்லாமல்

            நீர் வேறெரிச்சலைக் காட்டாமல்

                        இருந்தீர் ஆட்டுக்குட்டியே;

                        நான் அந்தப் பக்தியாய்

            மிகுந்த சாதுவாய் இருக்கட்டும்;

            ஆ, யேசுவே, நான் உமக்கே

            ஒப்பாக சாந்தமாகவும்.

3.         சுய மேன்மையைத் தேடாமல்,

            ஓர் மேட்டிமையை காட்டாமல்

                        மா தாழ்மையானீர், யேசுவே,

            வேலைக்காரன் போல் திரிந்தீர்,

            எல்லாரிலும் நீரே பணிந்தீர்,

                        மகா பெரிய கர்த்தரே;

                        ஆ! என்னை உம்முட

            அடிகளில் வர படிப்பியும்;

            என் யேசுவே, நான் உமக்கே

            ஒப்பாகத் தாழ்மையாகவும்.