எந்தன் ஆத்ம நேசரே

108. Hollingside                                             7s, 8l.

"Jesus lover of my soul"

1.         எந்தன் ஆத்ம நேசரே

            வெள்ளம்போன்ற துன்பத்தில்,

            தாசன் திக்கில்லாமலே

            தடுமாறிப் போகையில்

            தஞ்சம் தந்து, யேசுவே

            திவ்ய மார்பில் காருமேன்;

            அப்பால் கரையேற்றியே

            மோட்ச வீட்டில் சேருமேன்.

2.         வல்ல தேவரீர் அல்லால்

            வேறே தஞ்சம் அறியேன்;

            கைவிடாமல் நேசத்தால்

            ஆற்றித் தேற்றித் தாங்குமேன்,

            நீரே என்தன் நம்பிக்கை;

            நீர் சகாயம் செய்குவீர்;

            ஏதுமற்ற ஏழையை

            செட்டையாலே மூடுவீர்.

3.         குறை யாவும் நீக்கிட,

            நாதா, நீர் சம்பூரணர்,

            திக்கற்றோரைத் தாங்கிட

            நீரே மா தயாபரர்;

            நான் அசுத்த பாவிதான்,

            நீரோ தூயர் சுத்தரே;

            நான் அநீதி கேடுள்ளான்,

            நீர் நிறைந்த நித்யரே.

4.         பாவம் யாவும் மன்னிக்க

            ஆரருள் அமைந்த நீர்

            என்னைச் சுத்திகரிக்க

            அருள் பாயச் செய்குவீர்,

            ஜீவ ஊற்றாம் யேசுவே,

            எந்தன் தாகம் தீருமேன்;

            ஸ்வாமி, என்றும் என்னிலே

            நீர் சுரந்து ஊறுமேன்.