பாவ நாசர் பட்ட காயம்

Sweet the moment rich in blessing

Batty

108                                                                             8, 7, 8, 7

1.         பாவ நாசர் பட்ட காயம்

                        நோக்கித் தியானம் செய்வது

            ஜீவன், சுகம், நற்சகாயம்,

                        ஆறுதலும் உள்ளது.

2.         ரத்த வெள்ளம் பாய்ந்ததாலே

                        அன்பின் வெள்ளம் ஆயிற்று;

            தெய்வ நேசம் அதினாலே

                        மானிடர்க்குத் தோன்றிற்று.

3.         ஆணி பாய்ந்த மீட்பர் பாதம்

                        தஞ்சம் என்று பற்றினேன்;

            அவர் திவ்விய நேச முகம்

                        அருள் வீசக் காண்கிறேன்.

4.         பாசத்தால் என் நெஞ்சம் பொங்கி

                        துக்கத்தால் கலங்குவேன்;

            அவர் சாவால் துக்கம் மாறி

                        சாகா ஜீவன் அடைவேன்.

5.         சிலுவையை நோக்கி நிற்க,

                        உமதருள் உணர்வேன்;

            தீர்த்த ரத்தம் நெஞ்சில் பட,

                        சமாதானம் பெறுவேன்.

6.         அவர் சிலுவை அடியில்

                        நிற்பதே மா பாக்கியம்;

            சோர்ந்த திரு முகத்தினில்

                        காண்பேன் திவ்விய உருக்கம்.

7.         உம்மை நான் கண்ணாரக்காண

                        விண்ணில் சேரும் அளவும்,

            உம்மை ஓயாத் தியானம் செய்ய

                        என்னை ஏவியருளும்.