சுத்த ஆவி என்னில் தங்கும்

133. Gounod.  All Saints, Irby                 8, 7, 8, 7, 7, 7.

"Gracious Spirit, dwell with me"

1.         சுத்த ஆவி, என்னில் தங்கும்;

                        நானும் சுத்தன் ஆகவே

            பாவ அழுக்கெல்லாம் நீக்கும்;

                        உமதாலயமாகவே

                        என்னை நீர் சிங்காரியும்;

                        வாசம் பண்ணும் நித்தமும்.

2.         சத்ய ஆவி, என்னில் தங்கும்;

                        நானும் சத்யன் ஆகவே

            தேவ பக்தி என்னில் முற்றும்

                        வளர்ந்தேறச் செய்யுமே;

                        நீர் என்னில் ப்ரவேசியும்

                        ஆண்டுகொள்ளும் நித்தமும்.

3.         நேச ஆவி, என்னில் தங்கும்,

                        நானும் நேசன் ஆகவே

            துர்ச்சுபாவம் போகப்பண்ணும்;

                        அன்பில் நான் வேரூன்றவே

                        அன்பின் ஸ்வாலை எழுப்பும்,

                        மென்மேலும் வளர்த்திடும்.

4.         வல்ல ஆவி, என்னில் தங்கும்;

                        நானும் வல்லோன் ஆகவே

            சாத்தான் என்னைத் தூண்டிவிடும்

                        போது ஜெயங்கொள்ளவே

                        நீர் என் பக்கத்தில் இரும்

                        என்னைப் பலப்படுத்தும்.

5.         நல்ல ஆவி, என்னில் தங்கும்;

                        நானும் நல்லோன் ஆகவே

            பகை, மேட்டிமை, விரோதம்,

                        மற்றும் தீமை யாவுமே

                        என்னை விட்டகற்றுமேன்,

                        என்னைச் சீர்ப்படுத்துமேன்.

6.         தெய்வ ஆவி, என்னில் தங்கும்

                        நானும் உம்மில் தங்கவே

            மோட்ச பாதையில் நடத்தும்,

                        யேசுவின் முகத்தையே

                        தெளிவாகக் காண்பியும்;

                        என்னை முற்றும் ரட்சியும்.