துக்கம் திகில் இருள் சூழ

Through the night of doubt and sorrow

Marching

382                                                                             8, 7, 8, 7

1.          துக்கம் திகில் இருள் சூழ,

                        மோட்ச யாத்திரை செய்கிறோம்;

            கீதம் பாடி முன்னே நோக்கி

                        மோட்ச பாதை செல்கிறோம்.

2.         இருள் சூழ்ந்தும் பிரகாசிக்கும்

                        தீபஸ்தம்ப ஜோதியும்;

            வீரமாக ஐக்கியமாக

                        முன்னே செல்வோம் ராவிலும்.

3.         பக்தரோடு தங்கிச் செல்லும்

                        தெய்வமாம் ஒளி ஒன்றே;

            இருள் நீங்க அச்சம் நீங்கும்,

                        பாதை முற்றும் பகலே.

4.         எங்கள் ஜீவ நோக்கம் ஒன்றே,

                        குன்றா விசுவாசமும்;

            எங்கள் ஊக்க வாஞ்சை ஒன்றே,

                        ஒன்றே எம் நம்பிக்கையும்.

5.         மோட்சம் செல்லும் கோடிப் பேரும்

                        பாடும் பாட்டு ஒன்றேயாம்;

            ஆபத்து, போராட்டம், தெய்வப்

                        பாதை செல்வதும் ஒன்றாம்.

6.         மோட்ச கரை சேர்ந்த பின்னும்

                        பூரிப்பானந்தம் ஒன்றே;

            ஒரே சர்வ வல்ல பிதா

                        அன்பால் அரசாள்வாரே.

7.         முன்னே செல்வீர், தோழரே நீர்,

                        சிலுவை உம் பலமாம்;

            நிந்தை தாங்கி போர்புரிவீர்

                        ஆயுள் காலமும் எல்லாம்.

8.         நியாயத் தீர்ப்பு மா தினத்தில்

                        கல்லறை விட்டெழுவோம்;

            துக்கம் திகில் யாவும் நீங்கும்,

                        பாடும் ராவும் ஓய்ந்துபோம்.