கதிக்கெல்லாம் மேலான

113. Passion Chorale 2                                                 7s, 6s, 8l.

"Schatz uber alle Schatze"

1.         கதிக்கெல்லாம் மேலான

                        கதியாம் யேசுவே;

            ஒப்பற்ற நேசரான

                        பர்த்தாவே உமக்கே

            என் நெஞ்சை வாஞ்சையாலே

                        ஒப்புக்கொடுக்கிறேன்;

            நான் உமது நோவாலே

                        ஆரோக்யம் ஆனேன்.

2.         ஆ! உமது குளிர்ந்த

                        முகத்தைக் காண்பியும்,

            என் மனதில் மிகுந்த

                        அன்பாய் ப்ரகாசியும்;

            நீர் என்னண்டை தரித்தால்,

                        வாழ்வேன், என் ஜீவனே;

            நீர் அடியேனை விட்டால்

                        நிர்ப்பந்தன் ஆவேனே.

3.         மண் மேன்மை, ஆஸ்தி யாவும்

                        குப்பை என்றெண்ணுவேன்

            என் ஆவி உம்மைத்தாவும்,

                        பரத்தை நோக்குவேன்;

            என் யேசுவே, நீர் தாமே

                        என் செல்வமானவர்;

            உம்மால் மெய் வாழ்புண்டாமே,

                        மண் வாழ்வெல்லாம் பதர்.

4.         என் பொழுதே, உதியும்;

                        ஆ! என்னை உம்மண்டை

            அழைக்கத் தீவிரியும்;

                        நான் இந்த லோகத்தை

            சந்தோஷமாக விட்டு

                        போவேன் என் ஜீவனே;

            உம்மண்டையில் சுகித்து
                        இருப்பேன் கர்த்தரே.