தாழ்விலிருந்து கூப்பிடும்

Aus tiefer Not schref ick su dir

Bavarian 21; 76

289                                                                 8, 7, 8, 7, 8, 8, 7

1.         தாழ்விலிருந்து கூப்பிடும்

                        என் சத்தங் கேட்டன்பாக,

            என் அழுகை அனைத்துக்கும்

                        செவி கொடுப்பீராக;

            கர்த்தாவே, பாவக் குற்றத்தை

            நீர் மன்னியாமல், நீதியைப்

                        பார்த்தால், யார் நிற்கக்கூடும்?

2.         மன்னிப்பை எவனானிலும்

                        தன் புண்ணியங்களாலே

            அடையான்; உம்மை யாவரும்

                        தாழ்வான மனத்தாலே

            பணிந்து பயப்படவே,

            மனத் தரிதிரருக்கே

                        மன்னிக்கிறீர், கர்த்தாவே.

3.         நான் கர்த்தரைக் கண்ணோக்குவேன்,

                        என் புண்ணியம் அபத்தம்;

            தெய்வன்பையே நான் நம்புவேன்;

                        அதற்கு வாக்குத்தத்தம்

            மெய்யான வேதவார்த்தையில்

            உண்டாமே, நான் என்மனத்தில்

                        அதற்குக் காத்திருப்பேன்.

4.         ராச்சாமங் காக்கிறோர்; எப்போ

                        விடியும் என்பதாக

            நிற்பார்களே, என் மனதோ

                        அதிக ஆசையாக

            கர்த்தாவை நோக்கிக் காக்குது;

            ஆ, இஸ்ரவேலே, ஸ்வாமிக்கு

                        காத்தேயிரு, ரட்சிப்பார்.

5.         என் பாவம் பெரிதாகிலும்

                        தெய்வன் பதிகமாமே;

            கேடெத்தனை பெருகியும்;

                        மீட்பு அதில் மேலாமே,

            ஆ, இஸ்ரவேலின் பாவங்கள்

            அனைத்தும் நீக்கும் மீட்குதல்

                        கர்த்தாவினாலே ஆகும்.