இரட்சா பெருமானே பாரும்

175. Pastor, Shepherd.                        8s, 7s, 6l.

"Saviour like a shepherd lead us"

1.         ரட்சா பெருமானே, பாரும்

                        புண்ய பாதம் அண்டினோம்;

            சுத்தமாக்கி சீரைத் தாரும்,

                        தேடிவந்து நிற்கிறோம்!

            யேசு நாதா, யேசு நாதா,

                        உம்தன் சொந்தமாயினோம்.

2.         மேய்ப்பன் போல முந்திச் சென்றும்

                        பாதுகாத்தும் வருவீர்;

            ஜீவ தண்ணீரண்டை என்றும்

                        இளைப்பாறச் செய்குவீர்;

            யேசு நாதா, யேசு நாதா,

                        மேய்ச்சல் காட்டிப்போஷிப்பீர்.

3.         நீதி பாதை தவறாமல்

                        நேசமாய் நடத்துவீர்;

            மோசம் பயமுமில்லாமல்

                        தங்கச் செய்து தாங்குவீர்!

            யேசு நாதா, யேசு நாதா,

                        ஒருபோதும் கைவிடிர்.

4.         ஜீவ கால பரியந்தம்

                        மேய்த்தும் காத்தும் வருவீர்;

            பின்பு மோட்ச பேரானந்தம்

                        தந்து வாழச்செய்குவீர்;

            இயேசு நாதா, இயேசு நாதா,

                        ஊழி காலம் வாழ்விப்பீர்.