194. Ewing 7s, 6s, 8l.
"Keinen hat Gott verlassen"
1. அநேகர்
ஆசை கொள்ளும்
பொருளை வாஞ்சியேன்,
கர்த்தாவின் வார்த்தை சொல்லும்
மெய்ப் பொருள் நாடுவேன்;
என் பொக்கிஷம், என் செல்வம்
என் ஆஸ்தி க்றிஸ்துவே,
என் பாக்கியம், பேரின்பம்
எல்லாம் என் மீட்பரே.
2. என் யேசுவை நான் பற்றி
தொடர்வேன் ஆவலாய்;
என் சாபத்தை அகற்றி
ரட்சித்தார் நேசமாய்;
நான் தப்ப எனக்காக
தம் ரத்தம் சிந்தினார்;
எனக்கு ஜீவனாக
ஜெயித்தெழும்பினார்.
3. இவ்வண்ணம் என்னை மீட்டு
ஆள்கொண்ட யேசுவே,
நான் உம்மையே புகழ்ந்து
துதித்தல் ஞாயமே;
பூரிப்படைந்தோனாக
நான் போற்றத் தேவரீர்
என் நெஞ்சத்தை அன்பாக
எழுப்பக் கடவீர்.
No comments:
Post a Comment