நிர்ப்பந்தமான பாவியாய்

159. Vater Unser, St. Chrysostom - Stella, 

St. Mathias.                8s, 6l.

"Ich armer Mensch, ich armer..."

1.         நிர்ப்பந்தமான பாவியாய்

            நான் இங்கே தேவரீருக்கே

            முன்பாக மா கலக்கமாய்

            நடுங்கிவந்தேன், கர்த்தரே;

            இரங்குமேன், இரங்குமேன்,

            என்றும்மைக் கெஞ்சிக்கேட்கிறேன்.

2.         ஆ! என் குரூர பாவத்தால்

            மிகுந்த துக்கம் அடைந்தேன்;

            ஆ ஸ்வாமி, துயரத்தினால்

            நிறைந்த ஏழை அடியேன்,

            இரங்குமேன், இரங்குமேன்,

            என்றும்மைக் கெஞ்சிக்கேட்கிறேன்.

3.         என் குற்றத்துக்குத் தக்கதாய்

            செய்யாமல் தயவாய் இரும்;

            பிதாவே, என்னைப் பிள்ளையாய்

            இரங்கி நோக்கி அருளும்;

            இரங்குமேன், இரங்குமேன்

            என்றும்மைக் கெஞ்சிக்கேட்கிறேன்.

4.         என் நெஞ்சின் திகில் தணித்து

            என் மேல் இரங்கி ரட்சியும்;

            திவ்ய சந்தோஷம் அளித்து,

            எப்போதும் கூடவே இரும்;

            இரங்குமேன், இரங்குமேன்,

            என்றும்மைக் கெஞ்சிக்கேட்கிறேன்.