நான் பாவிதான் ஆனாலும் நீர்

158. Misercordia, Troyte 1.                                      8, 8, 8, 6.

"Just as I am without one plea"

1.         நான் பாவிதான், - ஆனாலும் நீர்

            மாசற்ற ரத்தம் சிந்தினீர்;

            வா, என்று என்னைக் கூப்பிட்டீர்;

                        என் மீட்பரே, வந்தேன்.

2.         நான் பாவிதான், - என் நெஞ்சிலே

            கறை பிடித்திருக்குதே;

            என் கறை நீங்க, இப்போதே,

                        என் மீட்பரே, வந்தேன்.

3.         நான் பாவிதான், - பயத்தினால்

            அலைந்து, பாவ பாரத்தால்

            அழிந்து மாண்டு போவதால்,

                        என் மீட்பரே, வந்தேன்.

4.         நான் பாவிதான், - மெய்யாயினும்

            சீர் நேர்மை செல்வம் மோட்சமும்

            உம்மாலே பெற்று வாழவும்,

                        என் மீட்பரே, வந்தேன்.

5.         நான் பாவிதான், - இரங்குவீர்,

            அணைத்துக் காத்து ரட்சிப்பீர்,

            அருளாம் செல்வம் அளிப்பீர்;

                        என் மீட்பரே, வந்தேன்.

6.         நான் பாவிதான், - அன்பாக நீர்

            நீங்காத் தடைகள் நீக்கினீர்,

            உமக்குச் சொந்தம் ஆக்கினீர்,

                        என் மீட்பரே, வந்தேன்.