வாரும் தேவ ஆவி வாரும்

127. Oriel, Mannheim - Shephered,                        8, 7, 8, 7, 4, 7.

"Komm, o komm, du Geist"

1.         வாரும், தேவ ஆவி, வாரும்

                        எங்கள் ஆத்துமத்திலே

            எங்களுக்குயிரைத் தாரும்,

                        வாரும் சுத்த ஆவியே!

                                    ஞான தீபம்,

                        ஸ்வாமி, நீரே ஏற்றுமே!

2.         எங்கள் நெஞ்சில் நல்ல புத்தி,

                        தேவ பக்தி தோன்றவே

            அதை நீர் குணப்படுத்தி,

                        தப்பு சிந்தையாவுமே

                                    மாற்ற வாரும்,

                        நல்ல தேவ ஆவியே!

3.         மோட்ச மார்க்கத்தில் எதிர்த்து

                        நிற்கும் எவ்விரோதமும்

            நீங்க எங்களைத் தற்காத்து

                        நல்லோராக்கி அருளும்,

                                    கால் தள்ளாடி

                        போகில், தாங்கி நடத்தும்.

4.         நெஞ்சு எங்களில் கலங்கி,

                        "நாயகனே இரட்சியும்,"

            என்று கெஞ்சும் போதிரங்கி

                        ஆற்றித் தேற்றிக் கொண்டிரும்!

                                    துன்பம் நீங்க

                        நீர் சகாயராய் இரும்.