உம்மை ராஜா விசுவாச

199. Storl, Greedville,             8s, 7s, 6l.

"Sieh, hier bin ich, Ehrenkonig"

1.         உம்மை, ராஜா, விசுவாச

                        பக்தியாய் பணிகிறேன்;

            தாழ்மையோடும் கண்ணீரோடும்

                        தேவரீரை அண்டினேன்;

            நீர் மண்ணான பாண்டமான

                        என்னை அன்பாய்ப் பாருமேன்.

2.         என்னைச் சுத்த சீர்படுத்த

                        அருள் செய்யும், கர்த்தரே;

            என்னைச் சொந்த ஆடாய்க்கொண்ட

                        மேய்ப்பரான உம்மையே

            சேர்வேனாக, நீர் அன்பாக

                        என்னைப் பாரும், யேசுவே.

3.         ஆ, என் ஞானப் ஒளியான

                        தெய்வ ஆட்டுக்குட்டியே,

            எனதாவி உம்மைத் தாவி

                        தேடும், மணவாளனே;

            பட்சத்தோடும் தயவோடும்

                        என்னைப் பாரும், மீட்பரே.

4.         ஏங்கலோடும் பணிவோடும்

                        என்னுடைய ஆத்துமம்,

            வாயும் நெஞ்சும் கூவிக்கெஞ்சும்

                        சத்தம் கேட்டென் சஞ்சலம்

            தீர்ப்பீராக; நீர் அன்பாக

                        என்னைப் பார்த்தால் பாக்கியம்.

5.         உலகத்துப் பொய்ச் சம்பத்து

                        மாயையும் சிங்காரமும்

            ஆன நல்ல செல்வம் அல்ல,

                        நெஞ்சை அது வாதிக்கும்;

            மெய் வாழ்வான நீர் அன்பான

                        பார்வை தந்து ரட்சியும்.