சிலுவை தாங்கு மீட்பர் பின்

Take up thy cross the Saviour said

Breslau

312                                                 L.M.

1.         சிலுவை தாங்கு மீட்பர் பின்

            அவரின் சீஷனாகவே;

            வெறுப்பாய் உன்னை லோகத்தைப்

            பின் செல்வாய் தாழ்மையாகவே.

2.         சிலுவை தாங்கு, பாரத்தால்

            கோழை நெஞ்சோனாய் அஞ்சிடாய்;

            விண் பலம் உன்னைத் தாங்கிடும்,

            வல்லமை வீரம் பெறுவாய்.

3.         சிலுவை தாங்கு, மேட்டிமை

            கொள்ளாய், எந்நிந்தை எண்ணிடாய்;

            நீ பாவம் சாவை மேற்கொள்ள

            உன் மீட்பர் மாண்டார் ஈனமாய்.

4.         சிலுவை தாங்கி நின்றிடு,

            தீரமாய் மோசம் யாவிலும்;

            சிலுவை சேர்க்கும் மோட்சத்தில்

            சாவின் மேல் வெற்றி ஈந்திடும்.

5.         சிலுவை தாங்கிக் கிறிஸ்துவை

            பின் செல்வாய் ஆயுள் முற்றுமே;

            மகிமை கிரீடம் சூடுவாய்

            சிலுவை தாங்கின் மட்டுமே.

6.         திரியேகரான மா கர்த்தா,

            என்றென்றும் போற்றப்படுவீர்;

            மேலோக நித்திய வாழ்வுக்கே

            அடியாரை நடத்துவீர்.