Tamil Christian Songs: விண்ணவனே மண்ணில் வந்தீர்

11 December 2020

விண்ணவனே மண்ணில் வந்தீர்

விண் மகிமை துறந்து வந்தீர்

விண்ணிலே எம்மை சேர்த்திடவே

விந்தையாய் பிறந்தீர் இயேசைய்யனே

படைக்கிறோம் எம்மையே உமக்காய்

காணிக்கையாக படைக்கிறோம்

1. கன்னிமரியின் மகனாய் இம்மண்ணின் வேந்தனாய்

கந்தை துணி பொதிய ஏழ்மை கோலமாய்

விந்தை தாங்கி ஜெனித்தீர் அன்பின் ரூபமாய்

மந்தை மேய்ப்பர் தொழுதிட பாரில் பிறந்தீர்

மன்னன் இயேசுவே நீர் மன்னாதி மன்னவரே

மண்ணோராம் எமக்காய் பாரில் பிறந்தவரே

விண் தூதரோடு தேவப் பிள்ளைகளாய்

பாடி துதிக்கிறோம் நன்றியோடு

2. வாழ்வு தரும் இயேசுவே நீர் தேவமைந்தனாய்

வந்தோர்க்கெல்லாம் இரட்சிப்பை அருள்பவரே

சமாதானம் தந்திடும் பிரபு நீரே

சந்தோஷம் தருவீர் உம் ஜனங்களுக்கே

சர்வ வல்லவர் நீர் ராஜாதி ராஜாவே

சர்வத்தை சிருஷ்டித்த சிருஷ்டி கர்த்தர் நீரே

சாவின் கூர் முறித்து பாவ சாபத்தையும்

அழிக்க பிறந்தீர் ஸ்தோத்திரமே