இரட்சகர் பிறந்தாரே பெத்லகேமிலே

இரட்சகர் பிறந்தாரே பெத்லகேமிலே

வார்த்தை இன்று மனிதனாக பூமியில் பிறந்தாரே

புதுமலர் பூக்க நறுமணம் வீச இதயங்கள் வாழ்த்த

இறைமகன் வந்த கிறிஸ்மஸ் நாளிது - இரட்சகர்

1. விண்ணகத்து வேந்தனுக்கு தலைசாய்க்க இடமில்லை

மாடிடை குடிலில் தானே புல்லணை கிடைத்தது - 2

நம்மை மீட்க ஏழை உருவில் இம்மானுவேலன் வந்தார்

இமைப் போல நம்மைக் காக்க இறைமகனாய் இன்று பிறந்தார் - 2

அன்னை மரியின் தாலாட்டில் கண்கள் மூடித் தூங்கிடவே

விண்ணில் மின்னும் தாரகையெல்லாம் கண்கள் சிமிட்டி சிரித்திடவே - இரட்சகர்

2. மலையும் பள்ளத்தாக்குகளும் பூத்துக் குலுங்கும் சிறுமலரும்

தேவன் பிறந்த செய்தி கேட்டு மகிழ்ச்சியில் துள்ளிடுதே - 2

புள்ளிமானும் சின்ன குயிலும் அழகாய் ஆடும் மயிலும்

உயிர்கள் யாவும் மகிழ உலகில் வந்த அழகே

உந்தன் பிறந்த நாளில் என் மனம் துள்ளி துள்ளி மகிழ்கிறதே

கண்கள் பணிந்து கரங்கள் கூப்பி உம்மை வணங்கி போற்றிடுதே - இரட்சகர்

Tamil Christian Songs