Tamil Christian Songs: மகிமை மாட்சிமை நிறைந்தவரே

06 September 2023

பல்லவி

மகிமை மாட்சிமை நிறைந்தவரே

மகிழ்வுடன் தொழுதிடுவோம்

பரிசுத்த தேவனாம் இயேசுவை

பணிந்தே தொழுகுவோம்

சரணங்கள்

1. உன்னத தேவன் நீரே

ஞானம் நிறைந்தவரே

முழங்கால் யாவுமே

பாரினில் மடங்கிடுதே

உயர்ந்தவரே, சிறந்தவரே

என்றும் தொழுதிடுவோம் - மகிமை

2. ஒருவரும் சேரா ஒளியில்

வாசம் செய்பவரே

ஒளியினை தந்துமே

இதயத்தில் வாசம் செய்யும்

ஒளி நிறைவே அருள் நிறைவே

என்றும் தொழுதிடுவோம் - மகிமை

3. பரிசுத்த தேவன் நீரே

பாதம் பணிந்திடுவோம்

கழுவியே நிறுத்தினீரே

சத்திய தேவன் நீரே

கனம் மகிமை செலுத்தியே நாம்

இன்றும் தொழுதிடுவோம் - மகிமை

4. நித்திய தேவன் நீரே நீதி நிறைந்தவரே

அடைக்கலமானவே அன்பு நிறைந்தவரே

நல்லவரே நல்லவரே

என்றும் தொழுதிடுவோம்

5. இயேசுவே ராஜாதிராஜா என்றும் ஆண்டிடுவார்

மகிமையில் சேர்த்திட பாரில் வந்திடுவார்

முடிவு வரை நிலைத்திடவே

என்றும் தொழுதிடுவோம்