வீராதி வீரர் யேசு சேனை நாங்கள்

யேசு சேனை நாங்கள்

272. (356) பியாகு                                          ஆதிதாளம்

1.       வீராதி வீரர் யேசு சேனை நாங்கள்,

          சேனை நாங்கள்; யேசுவின் சேனை நாங்கள்.

2.         திரு வசனத்தை எங்கும் திரிந்து சொல்வோம்,

            திரிந்து சொல்வோம்; அதை அறிந்து சொல்வோம்.

3.         அறிவீன மென்னும் காட்டை அதமாக்குவோம்,

            அதமாக்குவோம்; ஞானமதால் தாக்குவோம்.

4.         சிலுவைக் கொடியைச் சேரத் தேடிப் பிடிப்போம்,

            தேடிப் பிடிப்போம், அன்பு கூர்ந்து பிடிப்போம்.

5.         ரட்சண்ய சீராவுடன் நீதிக் கவசம்,

            நீதிக் கவசம்; கையாடுவோம் வாசம்.

6.         விசுவாசக் கேடகத்தை மேலுயர்த்துவோம்,

            மேலுயர்த்துவோம்; அதை மேலுயர்த்துவோம்.

7.         பாவச் சோதனைத் தடைகள் பாசம் நீக்குவோம்,

            பாசம் நீக்குவோம்; ஆசாபாசம் போக்குவோம்.

- சா. சீமோன்