இயேசு நான் நிற்குங் கன்மலையே

இயேசு நான் நிற்குங் கன்மலையே

215. நாதநாமக்ரியை                                                சாபு தாளம்

பல்லவி

            இயேசு நான் நிற்குங் கன்மலையே!-மற்ற

            எந்த ஆதாரமும் வெறும் மணல் தரையே.

சரணங்கள்

1.         இயேசுவின் நாமத்தின் மேலே-என்றன்

            எல்லா நம்பிக்கையும் வைத்தேன் அன்பாலே;

            நேசனையுங் கூட நம்பேன்,-நான்

            இயேசு நாமத்தின் மேல் முழுதுமே சார்வேன். - இயேசு

2.         இருள் அவர் அருள் முகம் மறைக்க,-நான்

            உறுதியாய் அவர் மாறாக் கிருபையில் நிலைப்பேன்;

            உரமாகக் கடும்புயல் வீச,-சற்றும்

            உலையாத[1] எனது நங்கூரமாம் அவரே. - இயேசு

3.         பெரு வெள்ளம், பிரவாகம் வரினும்-அவர்

            பிரிதிக்னை, ஆணை, இரத்தம் என் காவல்;

            இருதயத்தின் நிலை அசைய-அப்போ

            தேசுவே என் முழு நம்பிக்கையாமே. - இயேசு

4.         சோதியாய் அவர் வரும்போது-நான்

            சுத்தனாய்த் தரிசித்தே அவரைப் போலாவேன்;

            நீதியாம் ஆடை தரிப்பேன்,-சதா

            நித்திய காலமாய் ஆளுகை செய்வேன். - இயேசு

- வே. சந்தியாகு

---

[1] அழியாத