மரித்தோர் எவரும் உயிர்த்தெழுவார்

மரித்தோர் உயிர்த்தெழுவார்

277. (343) குரஞ்சி                                                  ஆதிதாளம்

பல்லவி

                    மரித்தோர் எவரும் உயிர்த்தெழுவார்,

                    வானெக்காளத் தொனி முழங்க.

அனுபல்லவி

                        எரி புகை மேக ரத மேறி

                        ஏசு மகா ராஜன் வருங்கால். - மரித்தோர்

சரணங்கள்

1.         தூதர் மின் னாற்றிசை துலங்க,[1]

            ஜோதி வான் பறை இடி முழங்க,

            பாதகர் நெஞ்சம் நடுநடுங்க,

            பரிசுத் தோர் திரள் மனதிலங்க. - மரித்தோர்

2.         வானம் புவியும் வையகமும்

            மட மட வென்று நிலை பெயர,

            ஆன பொருளெல்லாம் அகன் றோட,

            அவரவர் தம் தம் வரிசையிலே. - மரித்தோர்

3.         அழிவுள் ளோராய் விதைக்கப்பட்டோர்

            அழியா மேனியை அணிந்திடுவார்;

            எளிய ரூபமாய் விதைக்கப்பட்டோர்

            என்றும் வாழும் ஜோதிகளாய். - மரித்தோர்

- சு.ச. ஏசடியான்

---

[1] தூதர் ஒளி நான்கு திசைகளிலும் விளங்க