நான் விடமாட்டேன் என் இயேசுவை

என் இயேசுவை விடமாட்டேன்

222. காபி                                                     ரூபக தாளம்

பல்லவி 

                   நான் விடமாட்டேன் என் இயேசுவை.

அனுபல்லவி

            வான் புவியாவும் போனாலும்,-அத்தால்

            மயங்கியே ஒருக்காலும் மெய்யாய். - நான்

சரணங்கள்

1.         முந்தியென் மேலன்பு கூர்ந்தார்; இங்கே

            முக்யநன்மைதரச் சேர்ந்தார்; தீய

            எந்தனுக்காய்த்தம்மை யீந்தார்; எனக்

            கெண்ணருநன்மைகள் நேர்ந்தார்; மெய்யாய். - நான்

2.         வானலோகந்தனைத் துறந்தார்; ஏழை

            மானிடனாகவே பிறந்தார்; மிக்க

            ஈனனெனக்காக இறந்தார்; பேய் மேல்

            என்றனுக்காய் ஜெயஞ்சிறந்தார்; மெய்யாய். - நான்

3.         மேசியாவுக் கிணையுண்டோ? அவர்

            வேதத்துக்கொப்பு கற்கண்டோ? எனின்

            நேசாசமுகம் பூச்செண்டோ? இந்த

            நீசனத்தில் மொய்க்கும் வண்டோ? மெய்யாய். - நான்

4.         லோகமெனை உதைத்தாலும், பொல்லா

            லோபிகள் துஷ்டர் மொய்த்தாலும், பசி

            தாகநோயும் வதைத்தாலும், இந்தத்

            தாரணியோர் சிதைத்தாலும், மெய்யாய். - நான்

- ஞா. சாமுவேல்