ஐயா உமது சித்தம் ஆகிடவே வேணும்

உமது சித்தம் ஆகிடவே வேணும்

205. (244) காம்போதி                                 சாபு தாளம்

பல்லவி

                 ஐயா, உமது சித்தம் ஆகிடவே வேணும்,

அனுபல்லவி

             மெய்யாய் எனது சித்தம் வெகுமோசமே காணும். - ஐயா

சரணங்கள்

 1.         ஆடுபோல் வழிதப்பி அவனவன் வழியொப்பிக்

            கேடடைந்தோர் பாவத்தைக் கிறிஸ்துமேல் சுமத்தினீர். - ஐயா

2.         ஜீவனோ, மரணமோ, செல்வமோ, வறுமையோ,

            யாவிலெனை நிறுத்த தேவரீர் நினைக்கினும். - ஐயா

3.         வசை, இசை,[1] பகை, நேசம், வாழ்வுயர் வதிமோசம்,

            பசி, நிருவாணம், நாசம், பாடு, நோயடைகினும் - ஐயா

4.         என்னிஷ்டம் வாயாததால் எத்தனை துயர்கொண்டேன்,

            பொன்னடிக் கீழடங்கிப் புகழுமக்கென்று வாழ்வேன். - ஐயா

5.         குயவன்கைக் களிமண்ணாய்க், குருவே உமக்கமைவேன்,

            நயமிது வென்றறிந்த ஞானமுள்ள பிதாவே! - ஐயா

- ஜி.சே. வேதநாயகம்

---

[1] புகழ்