தரி தாழ்மையே தெரிந்து

தரி தாழ்மையே

259. (368) முகாரி                                 ஆதி தாளம்

பல்லவி

                   தரி-தாழ்மையே தெரிந்து,-வெறு

                   தாட்டிகமதை[1] உரிந்து.

சரணங்கள்

1.         திரித்துவத் தொருவராம் கிறிஸ்தேசு

            செயலதை நீ குறி மனமே;-அவர்

            தரித்திர னிகராய் இகத்தில் உற்பவமாய்த்

            தாழ்ந்திருந்தார் அனுதினமே - தரி

2.         மனத்தரித்திரர் தாம் பாக்கியர் எனவே

            வாகுடன் அவர் உரைத்தாரே;-நெஞ்சே

            உனக்குள் இத்தகையான நற்குணமே

            உண்டோ என் றாய்ந்து நீ பாரே .- தரி

3.         மேட்டிமை யுடையோர் மீது தற்பரனார்

            வெறுப்படைந் தகற்றுவார் உடனே;-நல்ல

            தாட்டிகமதிலாத் தாழ்ந்த சிந்தையினோர்

            தமக்கருள் புரிகுவர் திடனே - தரி

4.         ஆதியில் தூதர்களில் சிலர் கெர்வம்

            அடைந்து நல் வாசமற்றாரே;-உடன்

            தீதறு பேய்களால் எரிநகரில்

            சேர்ந்ததி சாபமுற்றாரே - தரி

- யோ. பால்மர்

---

[1] அகந்தை