தந்தேன் என்னை இயேசுவே

தந்தேன் என்னை இயேசுவே

219. தேவகாந்தாரி                                         ரூபக தாளம்

பல்லவி

            தந்தேன் என்னை இயேசுவே,

            இந்த நேரமே உமக்கே.

அனுபல்லவி

            உந்தனுக்கே ஊழியஞ்செய்யத்

            தந்தேன் என்னைத் தாங்கியருளும்! - தந்தேன்

சரணங்கள்

1.         ஜீவ காலம் முழுதும்

            தேவ பணி செய்திடுவேன்,

            பூவில் கடும் போர் புரிகையில்

            காவும்! உந்தன் கரத்தினில் வைத்து. - தந்தேன்

2.         உலகோர் என்னை நெருக்கிப்

            பலமாய் யுத்தம் செய்திடினும்,

            நலமாய் சர்வ ஆயுதம் பூண்டு

            நானிலத்தினில் நாதா, வெல்லுவேன். - தந்தேன்

3.         உந்தஞ் சித்தமே செய்வேன்,

            என்றன் சித்தம் ஒழித்திடுவேன்,

            எந்த இடம் எனக்குக் காட்டினும்,

            இயேசுவே, அங்கே இதோ! போகிறேன். - தந்தேன்

4.         கஷ்டம் நஷ்டம் வந்தாலும்,

            துஷ்டர் கூடிச் சூழ்ந்திட்டாலும்,

            அஷ்டதிக்கும்[1] ஆளும் தேவனே,

            அடியேன் உம்மில் அமரச்செய்திடும்! - தந்தேன்

5.         ஒன்றுமில்லை நான் ஐயா!

            உம்மாலன்றி ஒன்றும் செய்யேன்;

            அன்று சீஷர்க்களித்த ஆவியால்

            இன்றே அடியேனை நிரப்பும்! - தந்தேன்

- வே. சந்தியாகு

---

[1] எட்டுத் திசைகள்