என்னை ஜீவபலியாய் ஒப்புவித்தேன்

என்னை ஜீவபலியாய் ஒப்புவித்தேன்

220. (203) சங்கராபரணம்                               சாபு தாளம்

பல்லவி

            என்னை ஜீவபலியாய் ஒப்புவித்தேன்,

            ஏற்றுக் கொள்ளும், யேசுவே.

அனுபல்லவி

            அன்னை தந்தை உந்தம் சன்னதி முன்னின்று

            சொன்ன வாக்குத்தத்த மல்லாது, இப்போது - என்னை

சரணங்கள்

1.         அந்தகாரத்தி னின்றும், பவப் பேய்

            அடிமைத் தனத்தி னின்றும்

            சொந்த ரத்தக் கிரயத்தால் எனைமீட்ட

            எந்தையே, உந்தனுக்கிதோ! படைக்கிறேன். - என்னை

2.         ஆத்ம சரீரமதை உமக்கு

            ஆதீன மாக்கி வைத்தேன்;

            பாத்ரமதாய் அதை பாவித்துக் கொள்ளக்

            காத்திருக்கின்றேன்; கருணைசெய், தேவா. - என்னை

3.         நீதியி னாயுதமாய் அவயவம்

            நேர்ந்து விட்டேன் உமக்கு;

            ஜோதி பரிசுத்த ராலய மாகவே

            சொந்தமாய்த் தந்தேன் என்றன் சரீரத்தை. - என்னை

- சா. சீமோன்