தினமே நானுனைத் தேடிப்பணியச்

தினமே நான் உன்னைத் தேடிப் பணிய

209. சுத்தபங்களா                                           ஆதி தாளம்

பல்லவி

                    தினமே நானுனைத் தேடிப்பணியச்

                    செயும்துணையே நித்ய ஏக தெய்வமே.

அனுபல்லவி

             மனநிலை தவறி மருகினேன்[1] நானே.

            மாசிலானே அனுகூலநற் கோனே. - தின

சரணங்கள்

 1.         அருள் நாயகனே, அம்பரத் தீசா,

            ஆதியாய் நின்றபேர் அருள்நிறை பாசா,

            மருள்பவ நாசா, மனுக்குல ராசா,

            மகிமை யடைந்தமா மகத்துவ நேசா! - தின

2.         செத்தேன், எனக்குன் ஜீவன் அளித்தாய்,

            தீயனென் மேல் திருத் தீர்த்தம் தெளித்தாய்,

            முத்தேயென் நன்மைக் காக மரித்தாய்,

            மோதிய தீவினை யாவும் அழித்தாய். - தின

3.         திரளென் பாவங்கள் தீர்த்திட வாராய்,

            தீமை மறந்துநான் சீர்பெறக்கூராய்,

            கரள் குணமாற்றிக் கனிந்தெனைச் சேராய்,

            களிப்புடன் பாடிடக் கறுணைக்கண் பாராய். - தின

- சா. பரமானந்தம்

---

[1] வந்தேன்