அன்பே பிரதானம் சகோதர

அன்பே பிரதானம்

251. (205) கமாஸ்                                                   ஆதிதாளம்

பல்லவி

            அன்பே பிரதானம்,-சகோதர

            அன்பே பிரதானம்.

சரணங்கள்

1.         பண்புறு ஞானம்,-பரம நம்பிக்கை,

            இன்ப விஸ்வாசம்,-இவைகளி லெல்லாம். - அன்பே

2.         பலபல பாஷை-படித்தறிந்தாலும்,       

            கலகல வென்னும்-கைமணியாமே. - அன்பே

3.         என் பொருள் யாவும்-ஈந்தளித்தாலும்,

            அன்பிலையானால்-அதிற்பயனில்லை. - அன்பே

4.         துணிவுட னுடலைச்-சுடக்கொடுத்தாலும்,

            பணிய அன்பில்லால்-பயனதிலில்லை. - அன்பே

5.         சாந்தமும் தயவும்-சகல நற்குணமும்

            போந்த சத்தியமும்-பொறுமையுமுள்ள. - அன்பே

6.         புகழிறு மாப்பு,-பொழிவு[1] பொறாமை,

            பகைய நியாயப்-பாவமுஞ் செய்யா. - அன்பே

7.         சினமடையாது,-தீங்கு முன்னாது,

            தினமழியாது,-தீமை செய்யாது. - அன்பே

8.         சகலமுந் தாங்கும்,-சகலமும் நம்பும்,

            மிகைபட வென்றும்-மேன்மை பெற்றோங்கும். - அன்பே

- ச.பே. ஞானமணி

---

[1] தற்புகழ்ச்சி