என்னோ பல நினைவாலும் நீ உன்னை

என்னோ நீ உன்னை அலைக்கழிப்பாய்

233. (252) செஞ்சுருட்டி                           ரூபகதாளம்

பல்லவி

            என்னோ பல நினைவாலும் நீ உன்னை அலைக்கழிப்பாய்.

அனுபல்லவி

                        மன்னர்கள் மன்னவன் ஆகிய யேசு உன்

                        மன்னவராய் இருக்கையிலே. - என்

சரணங்கள்

1.         அன்னை யிடத்துருவாய், உன்னை அமைத்த தந்தை அல்லவோ?-பின்னும்,

            ஆகாரமும் உடையும் ஜீவனும் அளிப்பதவர் அல்லவோ? -என்

2.         மாதானவள் சேயை[1] ஒரு வேளை மறந்தாலும்,-உன்னை

            மறவோம் ஒருகாலும், என வார்த்தை கொடுத்தாரே - என்

3.         இஸரேலரைக் காப்போர் உறங்கிடுவோர் என நினையேல்;-அவர்

            நிசமாக உன் வலப்பாகத்தில் நிழல் ஆவர் என்றறிவாய். - என்

4.         சிங்கங்கள் பட்டினியாய் இருக்கக் கண்டேன் தேசம் எங்கும்

                        சுற்றிப் பார்த்தும்,-தேவ

            சேயர்கள் பட்டினியாகக் காணேன், என்ற திவ்ய உரையும்

                        பொய் யாமோ? - என்

5.         தேகமும் கெட்ட உலகமும் பேயும் திரண்டு உனைப் பொருதாலும்[2] - அதை

            ஜெயித்தயேசு உன் மன்னவ ராகையில் சிந்தனை வேறென்ன உனக்கு? - என்

6.         தேவ பிதா நின் பிதாவும் இயேசு நின் சிநேகிதரும் சுத்த ஆவி-உன்றன்

            தேற்றர வாளனும் ஆவதைப் பார்க்கிலும், தேவை நினக் கொன்றும் இல்லையே. - என்

- சவரிமுத்து உபாத்தியாயர்

---

[1] பிள்ளையை

[2] சண்டை செய்தாலும்