நல்ல விசேஷங் கேளுங்கோ

மேலும் அதிக பாடல்களுக்கு

 

 

 

 

 

 

41. இராகம்: காம்போதி                                      ஆதிதாளம்

 

                             பல்லவி

 

                   நல்ல விசேஷங் கேளுங்கோ,-ஏசு

                   நாதன் திரு அவதாரம் செய்த மகா

                        நல்ல விசேஷங் கேளுங்கோ!

 

                             அனுபல்லவி

 

          நல்ல விசேஷம் இதுவாம், உலகில் சமஸ்த

            நரர்க்கும் சுரர்க்கும் பரத்தினில்

            வல்லமை ஆதி[1] தன் மைந்தனைத் தந்து,

            மனிதரை ரட்சிக்க மா அருள் கூர்ந்த இந் - நல்ல

 

சரணங்கள்

 

1.         சொல்ல முடியா அன்பிதே-தம்

            தொண்டரைப் போல் பகையாளர் தம்பால் வைத்த-

            சொல்ல முடியாத அன்பிதே;

            அல்லல் அகற்றி அறிவில்லா எங்களின்

            ஆத்தும நேசர் குழந்தையாக,

            இல்லம் இல்லாமலே காலியின்[2] கொட்டிலிலே நரர்[3] ரூபமதாய்,

            எல்லை இல்லான் தந்தையாக இருக்க மா

            ஏழை மனிதர் அனையுடன் தந்தையாய்

            தொல்லை அறுக்க என் றிங்கெழுந்தான்; மகா

            சூட்சமதாகிய மாட்சிமையாம் ஒரு - நல்ல

 

2.         மாந்தர்க்க நல்ல கால-மாம்;

            மரண சாபத்துள் அடைபட்டொடுங்கும்-மாந்தர்க்கு

            சாந்தம், பொறுமை, சுகுணம் அநேகம்,

            சாற்றெளிதாமோ? கிருபைப் பிரவாகம்,

            வாய்ந்த நரர் மீதில் அன்பு சொல்வென்றால்,

            வானவர்க்கும் அரிதே;

            சேர்ந்து பணிந்து முழந்தாழ்ப்படி இட்டு,

            செப்புவோம்; நம் ஏசு நாம் நடந்திடில்,

            அன்பும் அருளும் அனைத்தும் உடன் உண்டாம்; - நல்ல

 

- காபிரியேல் உபதேசியார்

 

 

 

 

 

கிறிஸ்தவ பாடல் தொகுப்பு

 

PDF பாடல் புத்தகங்கள் பதிவிறக்கம்

---

[1] தேவன்

[2] பசுக்கூட்டம்

[3] மனிதர்