Tamil Christian Songs: சத்திரத்தை தேடி வாருங்க

24 November 2023

சத்திரத்தை தேடி வாருங்க

சந்தோஷமாய் ஆர்ப்பரித்து ஒன்று கூடுங்க

சாலேமின் ராஜனையே பார்க்க வாருங்க - 2

மேலாக ராஜன் இவர் மேன்மை விட்டு வந்தாரே

பூலோக மாந்தரின் பாவம் நீக்க வந்தாரே - 2

மகிமையின் ராஜனிவர் மகத்துவ தேவனிவர்

மண்ணின் மீட்பரிவர் மனுவுருவானார் - 2

1. காட்டுக்குள்ளே பாட்டு கேக்குது

கேட்டு கேட்டு ஆயர் கூட்டம் பாட்டு பாடுது

ஆடுகளும் துள்ளி துள்ளி தலையை ஆட்டுது - 2

வாருங்கள் மேய்ப்பரே நாம் பெத்தலகேம் செல்வோம்

வானம் விட்டு பூமி வந்த மேசியாவை காணுவோம் - 2

பெத்தலையின் சத்திரத்திலே மாடடையும் குளிரினிலே

மரியன்னை மடிதனிலே மன்னனை கண்டார் - 2

2. உன்னை மீட்க இயேசு வந்தாரே

பாவியாம் என்னை மீட்க இயேசு வந்தாரே

பாரிலே நம்மை மீட்க இயேசு வந்தாரே - 2

மாசில்லா பாலனை போற்றி போற்றி பாடுவோம்

மாறிடா அன்பினை உலகமெங்கும் சொல்லுவோம் - 2

இவரே இரட்சகராம் இவரே வல்லவராம்

இவரே பரிசுத்தராம் என்றே பாடுவோம் - 2