Tamil Christian Songs: தூய தூய தேவனை

02 May 2024

தூய தூய தேவனை

துதிகள் நடுவில் வசிப்போரை

தூய்மை கொண்ட இதயத்துடன்

துதிகள் செலுத்தி போற்றுங்கள்

அல்லேலூயா அல்லேலூயா

உன்னதர் உன்னதர் உன்னதரே

உலகினை காக்கும் உயர்ந்தவரே

1. ஒளியும் வழியும் ஆனவரே

ஒருவராய் அதிசயம் செய்பவரே

உலகை மீட்க பலிப் பொருளாய்

உன்னதம் துறந்த தூயவரே

அல்லேலூயா அல்லேலூயா

பரிசுத்தர் பரிசுத்தர் பரிசுத்தர்

பாவியை நேசிக்கும் நல்லவரே

2. ஆதியும் அந்தமும் ஆனவரே

ஆறுதல் தேறுதல் அளிப்பவரே

ஆவியின் ரூபமாய் எங்களிடம்

வசித்திடும் ஆவியானவரே

அல்லேலூயா அல்லேலூயா

சத்திய ஆவியை வாழ்த்துகிறோம்

நித்திய தேவனை போற்றுகிறோம்

3. துதிக்கின்றோம் நம் தேவனை

துதிக்கின்றோம் நம் இயேசுவை

துதிக்கின்றோம் ஆவியானவரை

துதிக்கின்றோம் திரியேகரை

அல்லேலூயா அல்லேலூயா

மகிமை உமக்கே செலுத்துகிறோம்

மாட்சிமை உமக்கே படைக்கின்றோம்