மங்களங்கள் பாடிடுவோம் சங்கீத

318. இராகம் (நேசமணி வாசமணி)                                                         (300)

பல்லவி

          மங்களங்கள் பாடிடுவோம் சங்கீத தியானத்தோடு

          இங்கிதமாயிங்கு கூடி சங்கை திரியேகர்க்கு

1.         அண்ட சராசரங்களெல்லாம் எண்ணமுடனே வகுத்த

            தொண்டர்களின் நாயகனுக்குத் தொண்டனிட்டுத் தெண்டனிட்டு - மங்களங்கள்

2.         வானலோகத்தை விட்டு ஈனப்பாவியை யிட்டு

            தானமாக உயிரீந்து தீனரெமை மீட்டவர்க்கு    - மங்களங்கள்

3.         சத்திய நெறியிலேற பக்தியில் தினமும் தேற

            புத்தியதை நித்த நித்தம் தந்துவரும் சுத்தாவிக்கு       - மங்களங்கள்

4.         எல்லாம் படைத்தவர்க்கு பொல்லாரை மீட்டவர்க்கு

            நல்வரங்கள் நமக்கீயும் வல்ல பரிசுத்தாவிக்கு               - மங்களங்கள்