ஒருபோதும் மறவாத உண்மைப்

          ஒருபோதும் மறவாத உண்மைப் பிதாவிருக்க

            உனக்கென்ன குறை மகனே - ஒரு

பல்லவி

                        சிறுவந் தொட்டுனை யொரு

                        செல்லப் பிள்ளை போற் காத்த

                        உரிமைத் தந்தை யென்றென்றும்

                        உயிரோடிப்பா ருன்னை                        - ஒரு

சரணங்கள்

1.         கப்பலின் அடித்தட்டில் - களைப்புடன் தூங்குவார்

            கதறுமுன் சத்தங்கேட்டால் - கடல் புயலமர்த்துவார்

            எப்பெரிய போரிலும் - ஏற்ற ஆயுதமீவார்

            ஏழைப்பிள்ளை எல்லோருக்கும் - ஏற்ற தந்தை நானென்பார்     - ஒரு

2.         கடல் தனக் கதிகாரி - கர்த்தரென்றறிவாயே

            கடவாதிருக்க வெல்லை - கற்பித்தாரவர் சேயே

            விடுவாளோ பிள்ளையத் தாய் - மேதினியிற் றனியே?

            மெய்ப்பரனை நீ தினம் விசுவாசித்திருப்பாயே                            - ஒரு

3.         சிலபோது தரித்திரத்தால் - நோயால் வருத்துவார்

            சிட்சித் துருக்கினாலும் - சிறந்த பொன்னாக்குவார்

            பல பாடுனக்கென்றாலும் - பலன் பெறாத் திருத்துவார்

            பட்சம் நிறைந்த கையை - முத்தி செய் இலகுவாய்                  - ஒரு

4.         உன்னாசை விசுவாசம் - ஜெபமும் வீணாகுமா

            உறக்க மில்லாதவர் கண் - உன்னை விட்டொழியுமா

            இந்நில மீதிலுனக் கென்ன வந்தாலும் சும்மா

            இருக்குமா அவர் மனம் - உருக்கமில்லாதே போமா?                - ஒரு

5.         உலகப் பேயுடலாசை - உன்னை மோசஞ் செய்யாது

            ஊக்கம் விடாதே திரு - உள்முனை மறவாதே

            இலகும் பரிசுத்தாவி எழில் வரம் ஒழியாது

            என்றும் மாறாத நண்பன் - இரட்சகருடன் சேர்ந்து                    - ஒரு

-ச. முத்துசாமி உபாத்தியாயர்