பரலோக நாடெந்தன் இன்ப நாடாமெனக்கு
பல்லவி
பரலோக நாடெந்தன் இன்ப நாடாமெனக்கு
என்று நான் கண்டு களிப்பேனோ?
அனுபல்லவி
ஆ மகிமையே! ஆ பேரின்பமே!
என்று நான் கண்டானந்திப்பேனோ
- பரலோக
1. சேவை செய்திடுவார் தூதர்கள் - நானங்கு
சேவிப்பேன் நித்தியும் நேசரை!
ஆ என் இன்பமே! ஆனந்த பாக்கியமே!
நாவினா லியம்பவு மேலாதே! - பரலோக
2. சொர்க்கத்தில் ஆ எந்தன் நம்பிக்கை அழியாத
சொர்ண மயமான வேலைகள்
சோபன கீதமே, சுந்தர நாடதே!
சுதா்த ரொருமித்து வாழ்வாரே! - பரலோக
3. தெய்வ சித்தம் செய்யும் பிள்ளைகள் - ஜீவிப்பார்
மாதா பிதா மற்றும் சோதரர்,
உத்தம ஜீவிகள், சொர்க்கத்தின் வாசிகள்
கஷ்டம் சகித்திட்ட சுத்தர்கள்! - பரலோக
4. யேசுவே என் சம்பத்தல்லவோ நிச்சயம்
என்று மழியா சுதந்தரம்!
ஈலோக இன்பத்தைக் குப்பை யென்றெண்ணினேன்
யேசுவே எந்தனின் இன்பமே! - பரலோக
5. வெறுத்துவிடுவேன் எந்தன் ஜீவனை - லோகத்தில்
செல்லுவேன் கஷ்டத்தின் பாதையில்
மாயை மாயையே லோகத்தின் இன்பமே!
வாடா முடி சூட ஏகுவேன் - பரலோக
Comments
Post a Comment