ஜீவியமே ஒரே ஜீவியமே

                        ஜீவியமே ஒரே ஜீவியமே

                        அண்ட சராசரம் அனைத்திலுமே

                        மேவி வசிக்கும் மனிதர் அனைத்தும்

                        பூமியில் வாழ்வது ஒரே தரமே                - ஜீவியமே

சரணங்கள்

1.         பிறப்பதும் இறப்பதும் தெய்வ செயல்

            இடையில் இருப்பது வாழ்க்கையாகும்

            இயேசுவில் சார்வதால் பரிசுத்தம் காணும்

            பரிசுத்தர் ஆட்சியில் சாட்சி கூறும்

            இதைவிடில் முடிவது வீழ்ச்சியாகும்                 - ஜீவியமே

2.         நித்தம் நம்மைவிட்டு செல்வார் பாரீர்

            அவர் பாரும் செல்லும் அவ்விடமும் பாரீர்

            அலறலும் புலம்பலும் உடல்தனைக் கீறலும்

            நரகத்தின் தினசரி காட்சி கேளீர்

            இரக்கத்தின் வழி காணார் கதியும் காண்பீர்      - ஜீவியமே

3.         திறப்பின் முகம் நிற்க ஆட்கள் தேவை

            தியாகத்தின் பாதைக்குச் செல்வோர் தேவை

            என் ஜனம் அழியுதே என ஏங்கும் ஆண்டவர்

            துக்கத்தை தணிக்கும் சீஷர் தேவை

            முன் வருவோர் யார்க்கும் இதுவே வேளை         - ஜீவியமே

4.         எண்ணிப்பார் கழிந்திட்டக் காலமதை

            கதையைப் போல் மனிதரின் நாட்கள் செல்லும்

            உலகத்துச் சேவை சாகையில் ஓயும்

            உன்னுடன் மரித்த பின் வருவதேது

            கிறிஸ்துவின் சேவையே நிலைத்து நிற்கும்      - ஜீவியமே

5.         அர்ப்பணம் தந்தையே கை அளித்தேன்

            கல்வி செல்வம் சுகம் பொருள் அனைத்தும்

            செல்லுவேன் சொல்லுவேன் யேசுவே வழி என

            வாழ்க்கையில் தம்மையே கொண்டு வாழ்வேன்

            என்றுமே அங்கே நான் உம்மில் வாழ்வேன்         - ஜீவியமே