எந்தன் உள்ளம் புதுக்கவியாலே பொங்க

1.       எந்தன் உள்ளம் புதுக்கவியாலே பொங்க

            இயேசுவைப் பாடிடுவேன்

            அவர் நாமம் ஊற்றுண்ட பரிமளதைலம்

            அவரையே நேசிக்கிறேன்

பல்லவி

                        அல்லேலுயா துதி அல்லேலூயா - எந்தன்

                        அண்ணலாம் இயேசுவைப் பாடிடுவேன்

                        இத்தனை கிருபைகள் நித்தமும் அருளிய

                        கர்த்தனைக் கொண்டாடுவேன்

2.         சென்ற காலம் முழுவதும் காத்தாரே ஓர்

            சேதமும் அணுகாமல்

            சொந்தமாக ஆசீர் பொழிந்தெனக்கென்றும்

            சுகபெலன் அளித்தாரே                                     - அல்லே

3.         சிலவேளை இமைப்பொழுதே தம் முகத்தை

            சிருஷ்டிகர் மறைத்தாரே

            கடும்கோபம் நீங்கி திரும்பவும் என்மேல்

            கிருபையும் பொழிந்தாரே                                  - அல்லே

4.         பஞ்சகாலம் பெருகிட நேர்ந்தாலும் தாம்

            தஞ்சமே யானாரே

            அங்கும் இங்கும் நோய்கள் பரவி வந்தாலும்

            அடைக்கலம் அளித்தாரே                               - அல்லே

5.         களிப்போடு விரைந்தெம்மைச் சேர்த்திட என்

            கர்த்தரே வருவாரே

            ஆவலோடு நாளும் வானத்தை நோக்கி

            அனுதினம் காத்திருப்போம்                              - அல்லே