அதிசயமான ஒளிமய நாடாம்

பல்லவி

                   அதிசயமான ஒளிமய நாடாம்

                        நேசரின் நாடாம் - நான்

                        வாஞ்சிக்கும் நாடாம் - என்

சரணங்கள்

1.         பாவம் இல்லாத நாடு

            ஒரு சாபமும் காணா நாடு

            நித்திய மகிழ்ச்சி ஓயாத கீதம்

            உன்னதத்தில் ஓசன்னா அல்லேலூயா               - அதிசய

2.         சந்திர சூரியன் இல்லை

            ஆனால் இருள் ஏதும் காணவில்லை

            தேவ குமாரன் ஜோதியில் ஜோதி

            நித்திய வெளிச்சமாவார் - என்றும் பகல்            - அதிசய

3.         விதவிதக் கொள்கை இல்லை

            பலப் பிரிவுள்ள பலகை இல்லை

            ஒரே ஒரு குடும்பம் ஒரே ஒரு தலைவர்

            எங்குமே அன்பு மயம் - அன்புள்ளோர் செல்லும் - அதிசய

4.         பிரச்சனை ஏதும் இல்லை

            வீண் குழப்பங்கள் ஒன்றும் இல்லை

            மொழி, நிறம், ஜாதி பற்று உடையோர்

            எவருமே அங்கு இல்லை - அன்பே மொழி        - அதிசய

5.         கடைத்தெரு ஏதும் இல்லை

            தொழிற்சாலைகள் ஒன்றும் இல்லை

            தரித்திரர், செல்வர், சிறியவர், பெரியோர்

            ஆகிய சிறப்பும் இல்லை - எல்லாம் சமம்          - அதிசய

6.         பல பலத் திட்டம் இல்லை - ஆளும்

            சட்டங்கள் ஏதுமில்லை

            காவல் துறையில்லை, கண்டிப்பும் இல்லை

            மனிதனின் ஆட்சி இல்லை - பேரானந்தம்       - அதிசய

7.         இயேசுவின் இரத்தத்தினால் - பாவம்

            கழுவினால் செல்லலாமே

            இத்தனை பெரிய சிலாக்கியம் இழப்போர்

            இப்பூமியில் எவரும் வேண்டாம் - இன்றே வாரீர்           - அதிசய