ஆகா என்ன இன்பம் பரலோக இன்பம்

To Download Txt Lyrics file

 

Youtube Link

 

                             பல்லவி

 

                   ஆகா என்ன இன்பம் பரலோக இன்பம்

                        இன்ப இயேசு அளித்தனரே

                        அளவிற்கடங்கா புத்திக்கும் எட்டிடா!

                        அன்பை கூற நாவும் போதுமோ

 

                             சரணங்கள்

 

1.         நீசத்துரோகி எந்தனை - பாசமாய் ஏற்றீரோ நீர்

            பாவ உளையினின்றே - தூக்கி எடுத்தீரோ நீர் - ஆகா

 

2.         நாசபுரி நோக்கியே - விரைந்து சென்ற என்னை

            பாசம் வைத்தேன் உந்தனில் என்று கூவி அழைத்தீரே நீர் - ஆகா

 

3.         நெரிந்த நாணல் என்னை முறித்திடும் தருணம்

            பரிந்து பேசி அன்பால் - நிலையாய் நிறுத்தினீரே - ஆகா

 

4.         எச்சரிப்பின் சத்தத்தை - தள்ளி விட்டபோதிலும்

            அன்பின் சவுக்கடியால் - சேர்த்தன்பாய் ஆதரித்தீர் - ஆகா

 

5.         காரிருள் சூழும் வேளை - கலங்கித் தவிக்கையில்

            காத்து நீர் என்னைத் தேற்றிக் - கருத்தாய் ஆதரித்தீர் - ஆகா

 

6.         பிராணநாதா உந்தனை என்று நான் கண்டிடுவேன்

            ஆருயிர் நேசா உம்மை காண ஆசை பொங்குதே - ஆகா

 

7.         அழைப்பின் சத்தம் கேட்க - நாட்கள் அதிகமாமோ

            நேசர் மார்ப்பில் சாய்திட - வாஞ்சை பெருகிடுதே - ஆகா

 

8.         ஆகாய மேகந்தனில் சேர்ந்திடும் நேரந்தனில்

            ஆனந்தம் ஆனந்தமே - என்றென்றும் ஆனந்தமே - ஆகா