அன்பே! அன்பே! அன்பே!

பல்லவி

                        அன்பே! அன்பே! அன்பே!

                        ஆருயிர் உறவே

                        ஆனந்தம்! ஆனந்தமே!

சரணங்கள்

1.         ஒருநாள் உம் தயை கண்டேனையா

            அந்நாளென்னை வெறுத்தேனையா

            உம்தயை பெரிதையா - என் மேல்

            உம் தயை பெரிதையா

2.         பரலோகத்தின் அருமைப் பொருளே,

            நரலோகரி லன்பேனையா?

            ஆழம் அறிவேனோ - அன்பின்

            ஆழம் அறிவேனோ?

3.         அலைந்தேன் பலநாள் உமையுமறியா

            மறந்தே திரிந்த துரோகியை

            அணைத்தீர் அன்பாலே - எனையும்

            அணைத்தீர் அன்பாலே

4.         பூலோகத்தின் பொருளில் மகிமை

            அழியும் புல்லின் பூவைப் போல

            வாடாதே ஐயா - அன்பு

            வாடாதே ஐயா

5.         இப்பாரினில் உம் அன்பின் இனிமை

            இயம்பற் கியலாதாகில் யான்

            இசைக்கவும் எளிதாமோ - பரத்தில்

            இசைக்கவும் எளிதாமொ