கண்களை ஏறெடுப்பேன்

கீதங்களும் கீர்த்தனைகளும் - 22

கிறிஸ்தவ கீர்த்தனைகள் - 17

328.      இராகம் பியாகு          சாப்பு தாளம்

பல்லவி

          கண்களை ஏறெடுப்பேன் - மாமேருநேராய் என்

            கண்களை ஏறெடுப்பேன்

அனுபல்லவி

            விண்மண் உண்டாக்கிய வித்தகனிடமிருந்து

            எண்ணில்லா ஒத்தாசை என்றனுக்கே வரும்      - கண்களை

1.         காலைத் தள்ளாடவொட்டார் - உறங்காது காப்பவர்

            காலைத்தள்ளாடவொட்டார்,

            வேலையில் நின்றிஸ்ரவேலரைக் காப்பவர்

            காலையும் மாலையும் கண்ணுறங்காரவர்                       - கண்களை

2.         பக்தர் நிழல் அவரே - என்னை ஆதரித்திடும்

            பக்தர் நிழல் அவரே

            எக்கால நிலைமையில் எனைச்சேதப்படுத்தாது

            அக்கோலம் கொண்டோனை அக்காலம் பரியவே          - கண்களை

3.         எல்லாத் தீமைகட்கும் - என்னை விலக்கியே

            எல்லாத் தீமைகட்கும்

            பொல்லா உலகினில் போக்கு வரத்தையும்

            நல்லாத்துமாவையும் நாடோறும் காப்பவர்                     - கண்களை