மங்கா சுபகன மங்களமே - மணம்

184.  பியாகு     ஆதி தாளம் (249)

1.       மங்கா சுபகன மங்களமே - மணம்

            நீங்கா திம்மணர் தாம் பெறவே ... நிறை

            சிங்கா தனபதி நீ அருளே

            மங்களம் மங்களம் மங்களமே

பல்லவி

                        ஓங்கா உனதருள் பொங்கா

                        உனதொளி தாங்கா

                        சகலமும் வாங்கா - திருவொளி

2.         கானாவூர்க் கலியாணக்குறைவை நீக்கி - நல்

            சோனாரசமது பொழிந்தவர் நீர் - இம்

            மணமக்கள் இருவர் மேலுமே நீர்

            உம்மாசீர்வாதம் இன்றருளும்               - ஓங்கா

3.         ஈசாக்கு ரெபேக்காள் போலிவர்கள் - நல்

            ஈசனருள் வரம் பெற்று வாழ - நம்

            ஈசாயின் கிளையை அண்டினோர்ராய் உம்

            நாம மகிமைக்கென்றுழைக்க                - ஓங்கா

4.         தந்திவர் தமதகம் உமக்கென்றுமே - அதி

            உந்தனின் ஜெபத்தகம் பதித்தென்றுமே - வரும்

            தந்திர சோதனை ஜெயித்தென்றுமே

            சந்ததம் சந்ததம் சந்ததமே                  - ஓங்கா

5.         பாடகர் பாடலின் கவி பலிக்க - தூதர்

            துத்திய கீதங்கள் நிதமுடிக்க - மண

            மாப்பிள்ளை பெண்மேல் பதம் படிக்க

            நித்திய நித்தியமே செழிக்க                 - ஓங்கா

6.         மங்களம் சோபனம் உமக்கென்றுமே - எம்

            மங்கள கீர்த்தனம் துதி உமக்கே - தூதர்

            துத்திய ஸ்தோத்திரம் என்றென்றுமே

            ஆவி பிதா சுதனானவர்க்கே                 - ஓங்கா