இது நல்விசேஷம் எவர்க்கும் சந்தோஷம்

192. பியாகு              ஆதி தாளம்

பல்லவி

                   இது நல்விசேஷம் எவர்க்கும் சந்தோஷம்

                   புது வருஷமிதினாம் புகுந்தப்பிரவேசம்

1.         அதிசயமாக ஆண்டிதனிலேக

            ஆசிதரும் ஏசுவையே பூசிப்போம் நன்றாக                    - இது

2.         பலவிதநாசம் பயங்கரமோசம்

            பறந்திடச் சிறந்து இறைவனின் நேசம்                         - இது

3.         மெல்லியர் முன்னோங்க கல்விப்புகழ்தாங்க

            வல்லபரன் நல்ல உரை சொல்வாராக வாங்க                  - இது

4.         கனம் ..... ஐயர், கண்ய .... அம்மாள்

            குடும்பங்கள் என்றும் வாழமனன் செய்வாராக                  - இது

5.         உற்ற உபாத்திமாரும் மற்றும் சபையோரும்

            முற்றிலும் பேர் பெற்று நிதம், சுற்றத்தோடு வாழ              - இது

6.         தோத்திரமல்லேலூயா துத்யம் புகழ் ஓயா

            ஊழி காலம் வாழும்திரி யேகருக்குண்டாக                    - இது